Como cada ano, a noite de véspera, o público esperaba ansioso que sonara a música que
anunciara a chegada do Mariscal e a súa dona Isabel de Castro pois entón, daría comezo
a festa. De seguido, as danzas e vodas medievais, escenificación, queimada e música.
Ó día seguinte, o día grande. Antes do mediodía, Pardo de Cela e a súa dona saían da
súa torre para acercarse aos veciños que se achegaron ó seu entorno para dar por inaugurada
a segunda xornada do mercado medieval de Alfoz.

O Mariscal dedicou aos asistentes unhas palabras de benvida para agradecerlles a súa presenza: «Queridos veciños, vistantes de Castro de Ouro, como señor do castelo e destas terras, douvos á benvida o décimo oitavo mercado medieval de Alfoz, un mercado marabilloso». Acto seguido, a palabra recaeu no maestre Xabier Pardiñas, que destacou a maioría de icade do mercado e agradeceu o traballo realizado polos veciños para levar a cabo este festival, señalando que «logrouse conservar no tempo traballando a sol e sombra. Este escenario que hoxe vemos é unha parte da nosa historia que contemplamos con orgullo». Acto seguido tivo lugar o pregón, que foi lido polo enxeñeiro de raíces alfocenses Antonio Paz Palmeiro. Este destacou a gran satisfacción que lle supoñía ser pregoeiro no súa terra, e durante o seu discurso, falou de «las sensaciones que vivimos cuando estamos fuera. De las cosas que más recuerdas, la añoranza de la infancia». Durante o seu discurso, falou tamén da figura do Mariscal destacando a relevancia do persoaxe.