ACTOS LETRAS GALEGAS 2017

Este mércores, día 17, a Asociación Cultural O Castelo de Alfoz xunto co Concello organizou un acto para celebrar o Día das Letras Galegas. O salón de actos da Casa de Cultura ateigouse para escoitar a conferencia ofrecida por Lionel Rexes sobre o homenaxeado este ano, Carlos Casares. Pero houbo máis actividades; os asistentes participaron nun xogo sobre as letras galegas, escoitaron as cancións galegas que interpretaron os membros do Coro Virxe das Dores de Ferreira do Valadouro, e puideron presenciar a estrea da obra «Xente con xente», do grupo Trangalleiros de Lourenzá xunto cos Raiolas de Alfoz. Unha tarde de cultura e festa para conmemorar o día das Letras Galegas en Alfoz, na que ademáis se entregaron os premios do certame literario «Trulasqui» convocado para os máis pequenos.