Concello de Alfoz
CELEBRACIÓN DO DÍA DAS LETRAS GALEGAS

CELEBRACIÓN DO DÍA DAS LETRAS GALEGAS

18/Maio/2016

O 17 de maio, coincidindo co Día das Letras Galegas tivo lugar unha homenaxe a Manuel María no Salón de Actos do Centro Sociocultural de Alfoz. 

O acto comezou cun pasarruas dende A Seara ata o Centro Sociocultural. A continuación, Xabier Pardiñas, tenente-alcalde e responsable da Área de Cultura do Concello de Alfoz, recordou a presenza de Alfoz na obra de Manuel María, pois, a parte da segura presenza física de Manuel María en Alfoz, tamén recordou a referencia ao concello de Alfoz en polo menos dous artigos editados polo xornal “El Correo Gallego”. No primeiro deles, do ano 1994, fálanos da Finca Galea. O segundo, dez anos máis tarde, e preto dos seus últimos días, coincide cun artigo de opinión sobre o libro de Antón Meilán O mito do Mariscal Pardo de Cela. Pola súa relevancia, ao tratarse da derradeira colaboración que Manuel María fixo para “El Correo Gallego”, compartiuse a lectura deste último texto entre os asistentes, como homenaxe a Manuel María no día das Letras Galegas.

Posteriormente procedeuse á lectura de poemas do autor homenaxeado por parte de diferentes veciños e veciñas do concello de Alfoz.

Para finalizar actuaron as Cantareiras de Amado Lar e o Coro Parroquial Virxe das Dores de Ferreira con acompañamento musical de diferentes músicos do Val.

CELEBRACIÓN DO DÍA DAS LETRAS GALEGAS
CELEBRACIÓN DO DÍA DAS LETRAS GALEGAS
CELEBRACIÓN DO DÍA DAS LETRAS GALEGAS
Voltar

ACCESOS DESTACADOS DE TURISMO