INFORMACIÓN SOBRE NORMATIVA DE INCENDIOS FORESTAIS

24/Agosto/2018

Os cambios producidos na lexislación forestal e contraincendios dos últimos meses veñen definir novas distancias entre as plantacións forestais e as zonas urbanas, os núcleos, e outras infraestruturas.

Para o coñecemento deste asunto, xúntase un cadro explicativo, elaborado pola propia Xunta de Galicia, no que se resumen as distancias que hai que manter a cada tipo de elemento do territorio, tendo en conta o tipo de plantación. 

Segundo a normativa vixente, a xestión da biomasa é obriga da persoa propietaria ou arrendataria dos terreos e poderá contratala ou elixir o sistema que considere oportuno. En todo caso deberá realizarse antes do 31 de maio de cada ano, e en caso de ser requirida pola Xunta, a persoa propietaria disporía dun prazo de 15 días, prorrogables en casos debidamente xustificados.

Máis información:
- Lei 3/2007, do 9 de abril, de prevención e defensa contra os incendios  - forestais
- Lei 9/2017, do 26 de decembro, de medidas fiscais e administrativas (texto completo)
- Extracto do apartado da Lei 9/2017 referido á xestión da biomasa forestal e as distancias
- Visor de aproveitamentos forestais da Consellería do Medio Rural