O Alcalde-Presidente do Concello de Alfoz fai saber que se convoca o Programa de Turismo Social para Maiores do IMSERSO para este ano 2015, dirixido a todas aquelas persoas maiores que desexen participar e que cumpran os requisitos para solicitalo nos Servizos Sociais do Concello.

DESTINO DAS VIAXES.

- PENÍNSULA: Andalucía, Cataluña, Murcia e Comunidade Valenciana (8, 10 ou 15 días).

- BALEARES: 8, 10 ou 15 días.

- CANARIAS: 8, 10 ou 15 días.

- TURISMO DE INTERIOR: circuítos culturais, turismo de natureza, viaxes a capitais de provincia e viaxes ás cidades autónomas de Ceuta e Melilla.

REQUISITOS:

- Ser pensionista de xubilación do Sistema Público Español de pensións.

- Ser pensionista de viuvez e ter 55 anos cumpridos.

- Ser pensionista por outros conceptos ou perceptor de prestacións ou subsidios de desemprego, en todos os casos con 60 anos cumpridos.

- Ser titular ou beneficiado do Sistema da Seguridade Social, con 65 anos cumpridos.

Deberán valerse por si mesmos e non padecer alteracións de comportamento que impidan a normal convivencia nos hoteis.

Se o solicitante viaxa co cónxuxe, non é preciso que este reúna os requisitos de idade e pensión.

Tamén poderán participar os fillos/as discapacitados/as cunha discapacidade mínima do 45 %, sempre e cando esta discapacidade lles permita viaxar e o fagan acompañados dos seus pais, compartindo habitacións con eles.

DOCUMENTACIÓN A PRESENTAR:

- Fotocopia do DNI do solicitante e do cónxuxe ou acompañante, se procede.

- Xustificantes de ingresos.

LUGAR E PRAZO DE SOLICITUDE:

Departamento de Servizos Sociais, de luns a xoves, de 10,00 a 14,00 horas, ata o 5 de xuño de 2015. Para cubrir posibles vacantes o prazo de presentación manterase aberto ata o día 1 de decembro de 2015.