CONCELLO E DEPUTACIÓN IMPULSAN UNHA NOVA EDICIÓN DO MERCADO MEDIEVAL DE ALFOZ

15/Xullo/2019
Durante o venres 19 e o sábado 21 de xullo Alfoz vivirá a edición XXI do Mercado Medieval co obxetivo de achegar, un ano máis a historia da localidade e do Mariscal Pardo de Cela. Así o deron a coñecer este luns o Deputado de Turismo en funcións, Eduardo Vidal Baamonde , o Alcalde de Alfoz, Jorge Val Díaz e a Tenente de Alcalde do Concello, Ana Aránzazu Incera Ares, na presentación das distintas actividades programadas durante o fin de semana.
A Deputación Provincial é o principal patrocinador do evento organizado polo Concello de Alfoz coa colaboración dos veciños.
Vidal Baamonde sinalou que “durante estas dúas xornadas miles de persoas achéganse a este concello da Mariña, para coñecer parte do noso patrimonio, paisaxe, e historia, retrocedendo no tempo ata o ano 1483, no que apresaron ao Mariscal Pardo de Cela”.
Ademais o Alcalde explicou que “este ano é o primeiro que organizamos directamente  o mercado desde o Concello, deste xeito garantimos a súa continuidade favorecendo así que cada ano chegue a máis xente. Convido a todos os veciños da provincia a achegarse a nosa historia. Quero destacar a representación teatral que terá lugar o sábado e que estará presentada polo escritor Manuel Lourenzo, fillo predilecto do Valadouro e dirixida por Pedro López Murillo, xunto con un grupo de veciños voluntarios”.
Durante as xornadas haberá danzas medievais a cargo de Marco Uría, así como desfile de traxes medievais a cargo do Nabiño de Mondoñedo, que tamén conta cunha exposición de vestimentas de época no interior do castelo. Ademais terán lugar diferentes actividades para os máis pequenos; como paseos a cabalo, obradoiros de cestería, panadería, ou xogos tradicionais ou monicreques. Nesta edición o pregoeiro será Juanma Marrube, adestrador do Burela FS, veciño de Alfoz e que recentemente foi nomeado mellor adestrador de fútbol sala.
 
 
PROGRAMACIÓN
Venres, 19 de xullo:
20:30: Pregón a cargo de Juanma Marrube
21:00: Desfile de traxes medievais a cardo de O Nabiño de Mondoñedo
22:00: Danzas medievais a cargo de Marco Uria
22:00: Desfile de traxes medievais a cardo de O Nabiño de Mondoñedo
23:00 Música a cargo do grupo Xaramolos
00:00 Queimada popular a cargo do Bruxo Mon
 
Sábado, 20 de xullo:
11:00: Demostración de cetrería
12:00: Nomeamento, bendición e imposición de medallas aos Escudeiros do Castro no Patio de Armas do Castelo
13:00: Espectáculo de malabares
14:00: Hora de xantar e coller folgos
17:00: Xogos Valecos
19:00: Demostración de cetrería
20:00: Representación teatral
21:00: Música
21:30: Cea medieval
22:30: Espectáculo de lume
23:00: Música a cargo do grupo Xaramolos
00:00: Queimada popular a cargo do Bruxo Mon