Este sábado tivo lugar o derradeiro día das III Olimpíadas Interparroquiais, coa celebración dos Xogos Populares.
Despois de 4 sábados e das diferentes probas que foron completando os membros de cada equipo, proclamouse gañador a parroquia de Carballido, cunha puntuación final de 571 puntos. 

A clasificación xeral quedou da seguinte maneira: Carballido con 571 en primeira posición; en segundo lugar Castro de Ouro con 561 e en terceiro posto Lagoa cunha puntuación de 546 puntos. En cuarta posición, o Pereiro-Oiras con 523 puntos. Séguelle Adelán e Mor, con 514 e 485 puntos respectivamente. Moi pretiño Reirado-Vilaude con 484 e por último, a parrroquia de Bacoi, con 449 puntos. 

Agradecemos a todas e todos a súa participación e involucración en cada proba, así como a todas aquelas persoas que fixeron posible a realización desta terceira edición un ano máis. Parabéns para todos e para o equipo gañador!