SÁBADO 9 DE NOVEMBRO: TEATRO, A ADALA FUTURA PRESENTA "ROSALÍA CAFÉ"

07/Novembro/2024
 SEGUNDO SÁBADO DE TEATRO EN ALFOZ 
 
SÁBADO 9 DE NOVEMBRO, ÁS 20.00h NA CASA DA CULTURA DE ALFOZ

O Grupo de Teatro de Fazouro (Foz) A adala futura, nacido no ano 2016 cando a Adala Teatro se embarcou nun proxecto pedagódixo para achegar o teatro aos integrantes máis novos da Asociación, presenta a súa obra ROSALÍA CAFÉ, unha comedia para todos os públicos. 

Nesta obra unha rapaza de aldea decide marchar á capital para buscarse a vida montando un pub. No local terá unha clientela moi divertida e peculiar, e cada día deberá facer fronte a un sinfín de conversas sobre temas moi diferentes. Por se isto fora pouco, tamén recibirá a visita dos seus amigos da aldea. Pero...estes amigos non encaixarán moi ben na capital, polo que as risas estarán aseguradas!!