20/Setembro/2024

XXX FESTIVAL DA TERCEIRA IDADE DE ALFOZ

O vindeiro domingo, 13 de outubro, terá lugar o “XXX FESTIVAL DA TERCEIRA IDADE”, para todas aquelas persoas que teñan máis de 65 anos ou sexan pensionistas, empadroadas no Concello de Alfoz, que poderán ir acompañadas dos seus cónxuxes. Os actos comezarán ás 13:00 horas cunha misa na Igrexa Parroquial de San Pedro de Mor. A continuación celebrarase unha comida de fraternidade no Pavillón Municipal de Alfoz, así como diversos actos. As persoas interesadas en participar no nomeado evento deberán inscribirse na Oficina de Servizos Sociais do Concello ata o venres, 4 de outubro de 2024.

19/Setembro/2024

ACTIVIDADES DEPORTIVAS PARA ADULTOS CURSO 24/25: AERÓBIC, XIMNASIA DE MANTEMENTO, IOGA E PILATES

O venres 20 de setembro ábrese a inscrición para as modalidades deportivas de ximnasia de mantemento, aeróbic, ioga e pilates. Prazas limintadas, por orde de entrada. Deben entregarse as solicitudes no Concello de Alfoz (Oficina de Rexistro ou Sede Electrónica) do 20 ao 27 de setembro. Comenzan en outubro e rematan en maio. Pincha na noticia e verás máis información na folla de inscrición ou no tfno. 982 558 001.

19/Setembro/2024

ESCOLAS DEPORTIVAS MUNICIPAIS: PATINAXE E ATLETISMO. INSCRICIÓNS DO 20 AO 27 DE SETEMBRO

As Escolas Deportivas Municipais inclúen as modalidades de patinaxe e atletismo, dirixido a nenas e nenos de 4 a 16 anos. As clases de patinaxe serán os luns de 16 a 17h e para atletismo os venres de 16 a 17 h, ambas no pavillón municipal. O período de inscrición ábrese o venres 20 de setembro e permanecerá aberto ata o 27 de setembro. As solicitudes deberán entregarse na Casa do Concello (Oficina de Rexistro ou Sede Electrónica Municipal). As prazas están limitadas e accédese por rigurosa orde de inscrición. Pincha na noticia e descarga o modelo de solicitude.

15/Setembro/2024

DENDE O DÍA 16 DE SETEMBRO E DURANTE TODA A SEMANA A BIBLIOTECA PÚBLICA MUNICIPAL PERMANECERÁ PECHADA

Dende este luns día 16 de setembro e durante toda a semana a Biblioteca Pública Municipal permanecerá pechada. Desculpen as molestias que poda ocasionar. Poden empregar o buzón de devolucións se desexar devolver algún libro en préstamos. Grazas.

12/Setembro/2024

SÁBADO 28 DE SETEMBRO: A PRESA - GRUPO HUMORÍSTICO TRÍPODE

O sábado día 28 de setembro ás 21 horas no Salón de Actos da Casa da Cultura de Alfoz, os nosos veciños do Grupo Humorístico Trípode, presentan a súa nova obra: A PRESA.

12/Setembro/2024

SÁBADO 21 SETEMBRO: SUPERCOROZA. NA EIRA E NA LAREIRA

O sábado 21 de setembro ás 19.30h contaremos co espectáculo de A Xanela do Maxín: SUPERCOROZA. NA EIRA E NA LAREIRA. SUPERCOROZA, protagonista de Na Eira e na Lareira, é salvagarda do noso: da nosa xente, da nosa lingua, música, contos e tradicións. O seu superpoder é a recuperación da tradición e procura a transmisión cultural a través da música, baile, contos… dun xeito ameno, divertido e participativo. ?Neste espectáculo cantarase e contarase como se facía de antigo, para que estas historias e cancións poidan seguir transmitíndose de xeración en xeración, ofrecendo unha xanela única ao noso pasado colectivo.