26/Decembro/2023

O Concello de Alfoz deséxalle a toda a veciñanza un Bo Nadal.

22/Decembro/2023

PREMIOS XXI CONCURSO DE POSTAIS DE NADAL

O domingo 17 de decembro, ao remate do espectáculo de Brais das Hortas, fíxeronse públicos os gañadores/as do XXI Concurso de Postais de Nadal. Este ano o premio para a categoría de Educación Infantil foi para MARTIÑO RAMIL VIZOSO, o da categoría de 1º ciclo de Educación Primaria foi para ROI PÉREZ DÍAZ, o da categoría de 2º ciclo de Educación Primaria foi para LEYRE CARBALLAL SOUTO e, ademais, nesta mesma categoría otorgouse un Premio Especial do Xurado a UXÍA VIVERO SANTÍN ante a gran dificultade coa que se atopou o xurado pola calidade de todos os traballos presentados. Todo o alumnado do CEIP Castro de Ouro de Alfoz participante ten un diploma e un pequeno agasallo polo seu esforzo e creatividade. Os nenos e nenas que non o recolleron o pasado 17 de decembro poden achegarse á Biblioteca Municipal (a partir de xaneiro porque agora están de vacacións). Este concurso está incluído dentro das Actividades de Dinamización da Biblioteca, no Plan Único da Deputación Provincial e subvencionado pola mesma.

17/Decembro/2023

CARMEN MARRUBE OTERO, CELEBRA HOXE 101 ANOS

Hoxe, 17 de decembro, Carmen Marrube Otero, celebrou o seu 101 aniversario, rodeada da familia na súa casa de Carballido, Alfoz. A alcaldesa, Efigenia Maseda, acompañada polo Concelleiro de Educación, Igualdade e Participación, Eliseo Lorenzo, agasallárona cunha cesta con diferentes produtos. Desexámoslle un feliz aniversario en nome do Concello de Alfoz.

07/Decembro/2023

XORNADA DE INICIACIÓN Á PESCA CON MOSCA. 23 DE DECEMBRO. De balde, con inscrición previa nos tfno. 652 838 013 e 667 983 373

Organizada pola Asociación de Pescadores Amigos do Ouro en colaboración co Concello de Alfoz. Terá lugar o sábado 23 de decembro, ás 10:00h da mañá na Casa da Cultura de Alfoz. Impartida por Julio Seijas, combinará parte teórica con práctica. Os contidos son: 1.- "O RÍO, UN ECOSISTEMA VIVO" para identificar os insectos acuáticos e terrestres dos que se alimentan as troitas, as súas fases e estados. Comportamento das troitas, hábitat, cómo atopalas. A visión da troita. 2.-"MONTAXE". Iniciación ao montaxe de moscas, ferramentas, materiais,..(podes traer o teu equipo pero se non tés, non te preocupes, nós facilitámoscho). 3.-LANCE. Iniciación ao lance con cola de rata. Equipo (canas, carretes, liñas, baixos..). Para inscricións, gratis, e máis información nos tfno. 652 838 013 e 667 983 373.

06/Decembro/2023

ENTREGA DE PREMIOS DO XXI CONCURSO DE POSTAIS DE NADAL

O vindeiro 17 de decembro levarase a cabo a entrega dos premios aos gañadores e gañadoras do certame deste ano, así como a todo o alumnado participante do correspondente diploma acreditativo e un pequeno agasallo. Para celebralo, contaremos co espectáculo de Brais das Hortas, para rir e desfrutar da música e o humor deste gran artista. Será ás 19:00h no Salón de Actos da Casa da Cultura de Alfoz.

04/Decembro/2023

XORNADA INFORMATIVA SOBRE CONSUMO RESPONSABLE E DECISIÓNS DE COMPRA

O Concello de Alfoz en colaboración coa Escola Galega de Consumo celebrará o vindeiro 5 de decembro de 11 a 12 horas no Centro Sociocultural de Alfoz unha xornada informativa sobre CONSUMO RESPONSABLE E DECISIÓNS DE COMPRA. Durante a mesma o persoal técnico da Escola Galega de Consumo fará recomendacións sobre hábitos e criterios a ter en conta para un consumo máis responsable, convidando á reflexión crítica sobre o consumismo, especialmente agora que se achegan as datas do Nadal. Trátase dunha xornada aberta ao público para a que non é necesaria inscrición previa.