Novas concello de Alfoz

01/Outubro/2023

MÚSICA PARA OUTONO. SÁBADOS 7 E 14 DE OUTUBRO.

Ás 20.00h no Salón de Actos da Casa da Cultura, para todos os públicos e entrada libre. O sábado 7 contaremos con CÁNDIDO PALEO e o sábado 14 coa RONDALLA LATEXOS para disfrutar da música de distintos estilos e de formacións ou intérpretes da zona.

01/Outubro/2023

"PORCO, PORQUIÑO ENSÍNAME O CAMIÑO" CONTOS PARA BEBÉS DE CHARO PITA NA ESCOLA INFANTIL GALIÑA AZUL DE ALFOZ

O luns 9 de outubro ás 10:30h, a Delegación de Cultura de Alfoz, ten programada a actuación de Charo Pita na Escola Infantil Galiña Azul de Alfoz, coma todos os anos unha actividade dirixida aos máis pequenos e ás súas familias dentro do Programa Ler Conta Moito da Xunta de Galicia.

01/Outubro/2023

CHARLA INFORMATIVA PARA O NOVO CONTEDOR MARRÓN: FRACCIÓN ORGÁNICA

Venres 6 de outubro, no Salón de Actos da Casa da Cultura. O Concello de Alfoz coa Mancomunidade de Concellos da Mariña, organiza estas sesións informativas para a poboación ante a implantación do novo contedor para restos orgánicos. Tratarase de aprender cómo usalo correctamente, pero tamén de fomentar a compostaxe individual e hábitos responsables na xestión de residuos. Entregarase aos asistentes distintos materiais: bolsas biodegradables, contedores individuais, sacas para poda...Tamén se levará a cabo de forma específica para o Programa Activamente a finais de mes.

27/Setembro/2023

ITV AGRÍCOLAS

25/Setembro/2023

"SOÑADORA DAS ÁRBORES" DE RAQUEL QUEIZÁS. SÁBADO 30 DE SETEMBRO ÁS 19:00H NO SALÓN DE ACTOS DE CULTURA. TODOS OS PÚBLICOS

Soñadora das árbores, chamábanlle así desde pequena porque sempre estaba "na póla". O que máis lle gustaba era perderse no monte para escoitar as historias que contaban as árbores senlleiras, as árbores nai. Ata que un día pedíronlle axuda!! Non o dubidou un intre, empoleirouse no vello carballo para evitar que o tallaran. E cambioulle a vida... Só comunicándonos máis intensamente coa natureza, podemos ser capaces de comprendela, respectala e ao mesmo tempo valorar todo o que nos ofrece para crear un mundo máis transitable e saudábel. "SOÑADORA DAS ÁRBORES" é un espectáculo de narración oral baseado nunha historia real e en lendas de diferentes culturas que exploran a relación entre as persoas e a natureza.