09/Febreiro/2023

XANTAR DE HOMENAXE AOS NOSOS MAIORES. CONCELLO DE ALFOZ

O sábado 4 de marzo celébrase o xantar para os maiores de Alfoz. As inscricións faranse desde o 13 ao 27 de febreiro no Concello, Concellalía de Servizos Sociais. Para as persoas xubiladas e empadronadas en Alfoz será gratis, os acompañantes non xubilados e/ou empadronados interesados en asistir pagarán 40€. Máis información no tfno. 982 558 001 (ext. 2 Arantxa). Ás 13:00h haberá misa na Igrexa Parroquial de S.Pedro de Mor e ás 14:40h dará comezo o xantar en Finca Galea, rematando cunha actuación musical e a entrega de agasallos aos asistentes máis maiores, así coma aos matrimonios que celebren as súas bodas de ouro.

06/Febreiro/2023

OBRA DE TEATRO: "MENCIÑEIRO Á FORZA" DOS PÍCAROS DE LAGOA

O vindeiro 17 de febreiro de 2023,ás 21:00 h no Salón de Actos da Casa da Cultura do Concello de Alfoz terá lugar a interpretación da obra "Menciñeiro á forza" a cargo da Asociación grupo de teatro Os pícaros de Lagoa. A obra escollida é unha coñecida adaptación elaborada nos anos 60 polo escritor chairego Xosé Manuel Carballo. Trátase dun texto baseado na famosa comedia de Molière "O enfermo imaxinario".

06/Febreiro/2023

AXUDAS PARA FOMENTO DA PLANTACIÓN DE CASTIÑEIROS

ORDE do 30 de decembro de 2022 pola que se establecen as bases reguladoras das axudas, en concorrencia competitiva, para o fomento de plantacións de castiñeiro para froito e para a rexeneración e/ou mellora de soutos tradicionais de castiñeiros, no marco do Plan de recuperación, transformación e resiliencia de España financiado pola Unión Europea-NextGenerationEU, e se convocan para o ano 2023 (código de procedemento MR670D).

27/Xaneiro/2023

SERVIZO DE RECOLLIDA DE ENSERES PARA O PUNTO LIMPO PORTA A PORTA E HORARIOS DO PUNTO LIMPO

Todas as semanas o Concello de Alfoz realiza recollidas porta a porta de distintos enseres para entregalos no Punto Limpo. Só tés que chamar ao tfno. 982 558 001 (ext.3) e apuntarte, o servizo é gratuíto e está pensado sobre todo para aqueles refugallos que polo seu volume non poden ser levados ao punto limpo de xeito sinxelo. Lembra que tamén se fai recollida de plástico agrícola, avisando no mesmo número. Coidemos entre todos do medio ambiente!

27/Xaneiro/2023

CHARLA FORMATIVA PARA APRENDER A FACER COMPOST

O venres 10 de febreiro ás 19:30h no Salón de Actos de cultura teremos unha charla informativa de Sogama para aprender a facer compost. Vai dirixida a calquera persoa interesada no tema, que teña ou non composteiro. O Concello de Alfoz ten asinado un convenio con Sogama a través do cal estamos a realizar campañas de entrega de composteiros e de divulgación na técnica de converter os residuos orgánicos en abono de calidade.

20/Xaneiro/2023

ÚLTIMAS UNIDADES DE COMPOSTEIROS DISPOÑIBLES

Non te quedes sen o teu composteiro, pasa polo Concello e solicita o teu! Máis información no teléfono 982 558 001 (ext.2).Gran parte do lixo que xeramos na nosa casa é materia orgánica, que pode ser aproveitada, como emenda orgánica en hortas e xardíns. Realizar compostaxe doméstica ten moitos beneficios para todos: Reduce a cantidade de materia orgánica que vai ao contedor verde. Reduce o uso de fertilizantes inorgánicos, aos que substitúe. Aforra auga de rega debida á capacidade de retención da auga do compost. Achega os nutrientes necesarios para o desenvolvemento das plantas de forma natural. Reduce os custos de transporte dos residuos cos consecuentes beneficios para os cidadáns.