28/Febreiro/2023

PEDRO RUBAL PARDEIRO, FILLO PREDILECTO DE ALFOZ, TEN O SEU PROPIO ESPAZO NA WEB MUNICIPAL

Entra na web municipal de Alfoz, www.concellodealfoz.com e pica na "pestana" Pedro Rubal da parte superior da páxina para coñecer mellor a vida e traxectoria de Pedro Rubal Pardeiro

28/Febreiro/2023

TODA A INFORMACIÓN DO CONCELLO A UN CLIC!...WEB DO CONCELLO DE ALFOZ

www.concellodealfoz.com é a dirección da web oficial do Concello de Alfoz, nela atoparás toda a información sobre os servizos municipais, turismo, historia, acceso á Sede Electrónica, noticias, podes saber máis sobre Pedro Rubal fillo predilecto de Alfoz, reservar a pista de pádel ou poñerte en contacto co concello.

28/Febreiro/2023

NOVA CAMPAÑA DE COMPOSTAXE DOMÉSTICA ALFOZ 2023

Iniciamos unha nova campaña de fomento da compostaxe doméstica. O Concello de Alfoz ten asinado un convenio con SOGAMA a través do cal se subministran composteiros individuais e formación sobre cómo compostar os restos orgánicos de comida, da horta e do xardín. Conseguindo un abono de calidade e colaborando co coidado do medio ambiente ao reducir os residuos da fracción resto (contedor verde). Só tés que pasar polo Concello de Alfoz e solicitar o teu composteiro, é gratuito así como a sesión de formación que realiza SOGAMA cada ano. Máis información no tfno. 982 558 001 (ext.2)

26/Febreiro/2023

XORNADAS SOBRE CASTIÑEIRO DE FROITO DA RESERVA DA BIOSFERA TERRAS DE MIÑO EN ALFOZ

A Reserva da Biosfera Terras de Miño da Deputación Provincial de Lugo levará a cabo en Alfoz unhas Xornadas sobre castiñeiro de froito os días 18 e 25 de marzo. O horario será de 10:00h a 14:00h ambos días e o lugar de realización o Salón de Actos da Casa da Cultura. A primeira xornada, 18 de marzo, será teórica e incluirá toda a información sobre: 1. época de plantación 2. preparación do terreo 3. elección da planta (boas aptitudes para froito, madeira e/ou ambas) 4. liñas de axudas para o fomento da plantación e recuperación de soutos (Neste momento está aberto o prazo de solicitude) 5. normativa legal na plantación, distancias, tipos, corta.... 6. coidados: guía de cultivo 7. pragas e enfermidades 8. beneficios que pode xerar 9. mercado do sector da castaña A segunda xornada, 25 de marzo, será de práctica de poda de castiñeiros. Á mesma hora e con saída desde a Casa da Cultura cara Lagoa, onde se realizará a poda. Docente: Pablo Antonio Fraga Gontán (Enx. T. Agrícola) Inscrición previa e información no Concello de Alfoz tfno: 982 558 001 (ext.2). Gratuito. Aberto a público en xeral.

26/Febreiro/2023

APP ISOCRONA. XEOLOCALIZACIÓN DAS VIVENDAS DE ALFOZ PARA OS SERVIZOS DE EMERXENCIA

ISOCRONA é a App de xeolocalización das vivendas e lugares destacados coa que conta o Concello de Alfoz coa finalidade de que se poidan atopar rapidamente no caso de que se produza unha urxencia. Desde hai anos o Concello de Alfoz conta con este servizo, polo que se evitan erros coas direccións ao incluir o "nome da casa" ademais das características dos accesos ou recursos necesarios para que bombeiros, policía ou servizos sanitarios acudan con toda a información correcta a calquera chamada de emerxencia. Nestes casos nos que o tempo de resposta é fundamental, os erros nas direccións poden marcar a diferenza.

26/Febreiro/2023

CURSOS DE 1º AUXILIOS. 12 DE MARZO EN BACOI E 26 DE MARZO NO PEREIRO. PLAN DE DINAMIZACIÓN DAS PARROQUIAS.

Ambos domingos de 17:30h a 19:30h. Impartidos por persoal sanitario. O 12 de marzo na Escola de Bacoi e o 26 de marzo na Escola do Chao no Pereiro. De balde. Aberto a todas as persoas interesadas en aprender técnicas que poden salvar vidas, recoñecer os síntomas dun ictus ou dun infarto, facer a reanimación cardiopulmonar, cómo actuar nun atragantamento ou ante unha hemorraxia. Para inscribirse só hai que chamar ao 982 558 001 (ext. 2) ou pasar polo Concello.