14/Outubro/2022

CLUB DE LECTURA DA BIBLIOTECA MUNCIPAL DE ALFOZ

Actividade subvencionada a través do Plan Único da Deputación Provincial de Lugo, coa que se fomenta a lectura nun espazo de debate e onde se comparte a pasión polos libros. Combina reunións quincenais en torno a un libro elixido entre todos e todas, alternanddo en galego e castelán as obras, e material audiovisual relacionado co tema principal da lectura. A actividade é totalmente de balde para os participantes e unha das propostas culturais do Concello de Alfoz con mellor acollida por parte da poboación.

14/Outubro/2022

PROGRAMA BENESTAR EN BALNEARIOS 2022.

Ata o 24 de outubro, na Oficina de Servizos Sociais do Concello de Alfoz, con cita previa no teléfono 982 238 920. Pincha na noticia para ver toda a información no cartel: destinos, datas, documentación a presentar, requisitos...

13/Outubro/2022

ANPA DO CEIP CASTRO DE OURO.SÁBADO 29 DE OUTUBRO. GRUPO TEATRAL "A MARIÑA" DE CERVO PRESENTA "UN CAMIÑO PARA O RECORDO"

A través do Circuíto de Teatro afecionado 2022 "Ciclo Argalladas" da Deputación Provincial, a ANPA do CEIP Castro de Ouro de Alfoz, presenta esta comedia para todos os públicos. A representación será no Salón de Actos de Cultura ás 20:30h do sábado 29 de outubro.

07/Outubro/2022

DÍA DA BIBLIOTECA. SÁBADO 22 DE OUTUBRO. OBRADOIRO PARA NENAS E NENOS DE 3 A 12 ANOS.

Un ano máis imos celebrar o Día da Biblioteca, o sábado, 22 de outubro, de 17:30h a 19:30h na Biblioteca Municipal de Alfoz. Teremos un obradoiro, "Animais de conto", dirixido a nenas e nenos de 3 a 12 anos. PRAZAS LIMITADAS. As inscricións deberán entregarse na Oficina de Rexistro do Concello ou por Sede Electrónica ata o 17 de outubro. As prazas dispoñibles cubriranse por rigurosa orde de rexistro. A actividade é gratuíta e está incluída no Plan Único da Deputación de Lugo, na Área de Cultura. Máis información 982 558 001 (ext.2). PINCHA NA NOTICIA PARA ACCEDER AO MODELO DE INSCRICIÓN.

04/Outubro/2022

NO MES DE OUTUBRO A OFICINA DE TURISMO E, POLO TANTO O CASTELO DE CASTRODOURO PERMANCERÁN PECHADOS TEMPORALMENTE. DESCULPEN AS MOLESTIAS.

04/Outubro/2022

OBRADOIRO DE MULLER E SAÚDE. ALFOZ: 21 DE OUTUBRO.

Actividade gratuíta da Axencia Galega de Coñecemento en Saúde. Venres 21 de outubro ás 16:00h no Salón de Actos da Casa da Cultura de Alfoz. Inscricións e máis información, tfno. 982 558 001 (ext.6).Impartida por Cristina Ouro, Matrona do Hospital Universitario Lucus Augusti. Ten como obxectivos: mellorar a información e copmprensión dos cambios evolutivos na muller; previr enfermidades propias do colectivo feminino; promover a saúde física, emocional e social das mulleres e fomentar os hábitos de vida saudables.