20/Outubro/2021

COMEDIA MUSICAL PINCONUS PARA CELEBRAR O DÍA DA BIBLIOTECA

O sábado 23 de outubro, ás 20:30h no Salón de Actos da Casa da Cultura, poderase disfrutar do espectáculo " Pinconus", unha comedia musical dirixida a toda a familia. Forma parte do Ciclo Seráns Teatrais da Deputación Provincial de Lugo. A entrada é libre e de balde, non é precisa inscrición previa. Aforo limitado e aplicación dos protocolos de prevención do Covid-19.

19/Outubro/2021

VENRES 22 DE OUTUBRO ÁS 20:30H NA ESCOLA: REUNIÓN COA VECIÑANZA DAS OIRAS

Reunión cos veciños e veciñas das Oiras para recoller as súas demandas para os Orzamentos Municipais do vindeiro ano, así como para informalos das diversas obras, servizos e programas que ten en marcha o Concello e tratar calquera tema, dúbida ou suxerencia para a mellora do noso pobo.

19/Outubro/2021

REUNIÓN INFORMATIVA: OBRADOIRO DE RECICLADO DE ROUPA

O luns 25 de outubro, ás 17:00 h no Salón de Actos do Centro Sociocultural de Alfoz terá lugar a reunión informativa sobre este obradoiro. Serán 2 horas por semana (8 h/mes) e o custo é de 30€ (3,75€/hora).ACHÉGATE á reciclaxe ,desenvolve a túa creatividade e as túas habilidades. APRENDE a transformar as túas pezas para darlles unha segunda vida. ANÍMATE a non tirar máis a túa roupa e verte con ela doutra maneira e FEITO POR TI MESMA!

19/Outubro/2021

DÍA MUNDIAL DO CANCRO DE MAMA

Hoxe, 19 de outubro, é o Día Mundial do Cancro de Mama e aínda que o cancro é igual para todas as persoas, non todas son iguais fronte ao cancro. # SACAPEITO polas máis vulnerables e colabora para que podamos prestar toda a axuda que necesitan. Doa aquí: https://doa. contraelcancer.es

15/Outubro/2021

OBRADOIRO PARA NENAS E NENOS DE 3 A 12 ANOS: DÍA DA BIBLIOTECA

O sábado 23 de outubro, de 17:00h a 20:15h na Biblioteca Municipal organízanse diferentes actividades para nenas e nenos de 3 a 12 anos para celebrar o Día da Biblioteca. É necesaria INSCRICIÓN PREVIA na Oficina de Rexistro do Concello do luns 18 ao venres 22 de outubro ata completar o número máximo de participantes. Actividade de balde, subvencionada polo Plan Único da Deputación. PINCHA na noticia se queres descargar o modelo de inscrición. Máis información: 982 558 001 (ext.2))

14/Outubro/2021

ALFOZ CELEBRA O DÍA DAS ESCRITORAS

Alfoz celebra o Día das Escritoras (18 de outubro) o venres 15 ás 15:00h no Salón de Actos da Casa da Cultura, con todo o alumnado do CEIP Castro de Ouro de Alfoz a través do Programa Ler Conta Moito da Xunta de Galicia. "Procúrase Pepa a Loba" da compañía A Cova das Letras coa actriz Cristina Collazo. Con estética do oeste americano rural, ten participación do compositor Manuel Payno e de Luchi Iglesias en escenografía. A famosa bandoleira Pepa a Loba, chega ata un refuxio onde poder acubillarse: é a taberna da que tanto lle falara súa nai. Decide poñela de novo en funcionamento coa axuda da súa inseparable gavela. Alguén lle fala dun cobizado tesouro... Atréveste a procuralo con ela. Somérxete de cheo nesta aventura carregada de música, títeres e intrigantes historias. Ademais na Biblioteca Municipal poderás disfrutar dunha selección de obras de autoras do s. XX durante todo o mes de outubro.