31/Marzo/2022

A CONCELLALÍA DE ATENCIÓN Á VECIÑANZA TRAMITARÁ AS SOLICITUDES DE BECAS MEC CURSO 2022-23 PARA ESTUDANTES DE ALFOZ DO 31 DE MARZO AO 11 DE MAIO.

Desde o 31 de marzo ata o 11 de maio, os estudantes do Concello de Alfoz poden informarse e tramitar de xeito gratuíto as becas para o vindeiro curso. É necesario pedir cita previa no teléfono 982 558 001 (ext.2). No mesmo teléfono atenderase tamén calquera dúbida ao respecto. O Concello de Alfoz, ofrece este servizo ao alumnado de Alfoz desde hai 3 cursos, xunto as tramitacións de tarxetas de bus ou as propias becas de transporte municipais para os estudantes. Consideramos que é fundamental axudar e informar ás familias, sobre todo nos casos en que pasan de Educación Secundaria a estudos de BAC e FP e universidade e facilitar o máximo posible todos os trámites para facilitar o acceso á educación postobrigatoria. Este ano, o Ministerio de Educación, adianta as datas do proceso que habitualmente se realizaba nos meses de setembro e outubro. O alumnado que non teña solicitado beca antes do 12 de maio non poderá acceder a estas axudas para o curso 22-23.

23/Marzo/2022

CANCELADA A REPRESENTACIÓN TEATRAL DO DOMINGO 27 "COUSAS DE BARES" DE LUME ESCÉNICO

Lamentamos comunicar que a comedia teatral "Cousas de Bares" de Lume Escécnico, non se poderá representar este domingo, 27 de marzo, ás 20:00h como estaba programada. Proximamente anunciaremos a data na que se poida disfrutar desta representación de teatro aficionado.

22/Marzo/2022

BECAS PARA ESTUDIAR O CURSO 2022-23. SOLICITUDES DO 30 DE MARZO AO 12 DE MAIO.

REUNIÓN INFORMATIVA DO CONCELLO DE ALFOZ: MÉRCORES 30 DE MARZO ÁS 19:00H NO SALÓN DE ACTOS DA CASA DA CULTURA. As becas dos Ministerios de Educación, Formación Profesional e de Universidades para estudiantes de: BAC, FP e Universidade (Grado e Máster) abren o prazo de solicitude o 30 de marzo. O Concello de Alfoz, informará destas axudas e abrirá, como nos anos anteriores, a oficina de Atención á Veciñanza para a tramitación das becas para o alumnado de Alfoz.

15/Marzo/2022

BIBIANA CANDIA, AUTORA DE "AZUCRE", O LUNS 21 ÁS 18:00H NA BIBLIOTECA DE ALFOZ.

Dentro das actividades culturais de dinamización da Biblioteca Municipal, aberto a todas as persoas interesadas en asistir, terá lugar o encontro coa autora deste revelador relato novelado da historia real de 1700 rapaces galegos que viaxaron a Cuba en 1853 para traballar e acabaron vendidos como esclavos. Con este encontro literario celebramos o Día do Libro. Actividade subvencionada polo Plan Único da Deputación Provincial.

15/Marzo/2022

"SOMOS IGUAIS" DE RAQUEL QUEIZÁS O VENRES 18 ÁS 15.00H NO SALÓN DE ACTOS DA CASA DA CULTURA PARA TODO O ALUMNADO DO CEIP CASTRO DE OURO DE ALFOZ

SOMOS IGUAIS Queliña quere ser aviadora, gústalle vivir aventuras e contar historias. De pequena estaba farta de escoitar contos de PRINCESAS ROSAS e apocadas e de PRÍNCIPES AZUIS insensibles. E un día gritou: XA ABONDA!!! Púxose o gorro e as lentes de piloto e foise a buscar contos para demostrar que as nenas e os nenos SOMOS IGUAIS. Si, igual de valentes e igual de sensibles. Descubriremos historias de nenas e nenos (tamén de animais personificados) que rompen os estereotipos que abundan nos contos tradicionais. Atoparemos nenas decididas e nenos sensibles, identificaremos situacións ás que nos temos que enfrontar día a día, na escola, en casa, cos amigos… onde a violencia ou a agresividade física e verbal pode ter réplica e solución grazas á palabra e gozaremos xogando coa imaxinación que nos une. Desde a nenez pódese previr todo tipo de violencias mediante novos modelos de feminidade e masculinidade, rompendo asi? cos roles e estereotipos tradicionalmente asignados a cada xénero . Desmontemos con contos estes estereotipos que dificultan a convivencia pacífica entre nenas e nenos

15/Marzo/2022

APRENDE A USAR O MÓBIL: ABRIL-MAIO 2022

O Concello de Alfoz organiza para os seus veciños e veciñas cursos gratuítos e en grupos reducidos para aprender a utilizar o móbil. Comezarase con cursos de nivel básico e logo de nivel avanzado, todos en 2 sesións de 1 hora e media, o luns e o mércores na Casa da Cultura. Hai 2 horarios para elixir, o primeiro de 17:00h a 18:30h e o segundo de 18:45h a 20:15h. As persoas interesadas poden anotarse na Casa do Concello (Oficina de Rexistro) ou chamado ao 982 558 001 (ext.3). Para máis información poden chamar ao 982 558 001 (ext.2 Arantxa).