26/Outubro/2021

"DESCOSIDOS" CURSO DE RECICLAXE DE ROUPA.

No mes de novembro comezará na Aula Omix (enfronte da Biblioteca) o 1º Grupo, os luns de 16:00h a 18:00h do curso de reciclaxe de roupa. O número máximo de alumnos/as son 6/grupo. No do luns queda 1 praza agora mesmo. Pódese crear un 2º Grupo de haber interesados/as para realizalo os mércores, de 16:00h a 18:00h. Son 2 horas á semana cun coste de 30€ mensuais/alumnado. Máis información: 982 558 001 (ext.2)

26/Outubro/2021

OFICINA DE INFORMACIÓN TURÍSTICA: CASTELO DE CASTRO DE OURO. HORARIO DE INVERNO

A partir do día 30 de outubro, a Oficina de Información Turística de Alfoz reabre as súas portas ao público no habitual horario de inverno: sábados, domingos e festivos de 10:30h a 14:00h e de 16:30h a 20:00h. Poderase visitar o Castelo de Castro de Ouro no que se atopan distintas exposicións: Antigas Escolas (planta baixa), Pintura de Hipólito Xeada (1º planta) e Fotografías de Alfoz (2º planta) ademais de disfrutar das magníficas vistas desde o alto da torre.

25/Outubro/2021

REUNIÓN COS VECIÑOS E VECIÑAS DE LAGOA. VENRES 29 DE OUTUBRO.

O venres, 29 de outubro, ás 20:30h na Escola da Pinguela terá lugar a reunión coa veciñanza de Lagoa, para recoller as súas opinións e telas en conta para os novos orzamentos do vindeiro ano, así como todas aquelas cuestións que queiran tratar.

24/Outubro/2021

SERVIZO MUNICIPAL DE URBANISMO. HORARIO DE ATENCIÓN AO PÚBLICO: LUNS E MÉRCORES DE 8:00H A 15:00H CON CITA PREVIA NO 982 558 001 (EXT.7)

24/Outubro/2021

PRESENTACIÓN DO LIBRO "OS IRMÁNS DE AMÉRICA. AS PEGADAS DA EMIGRACIÓN DO VALADOURO NA HABANA"

O sábado, 30 de outubro, ás 19:00h no Castelo de Castro de Ouro terá lugar a presentación da obra de Prudencio Vivero Mogo, quen asistirá ao acto para dar a coñecer esta interesante traballo. .

24/Outubro/2021

VISITA GUIADA AOS CRUCEIROS DE ALFOZ. SÁBADO 30 DE OUTUBRO.

O sábado, 30 de outubro ás 17:00h sairemos en autobús de diante da Casa do Concello para ver algúns dos moitos cruceiros, cruces e cristos do Concello de Alfoz. O encargado de guiarnos nesta ocasión será Mario Saavedra, autor do libro "Cruceiros, cruces e cristos do Concello de Alfoz". Para participar hai que chamar ao 982 558 001 (ext. 3) desde do luns 25 ata o venres 29 (ou ata esgotar as prazas que son limitadas). A actividade é de balde e está inlcuida no Plan Único da Deputación Provincial, na Área de Turismo.