22/Marzo/2021

CONTACONTOS DE FÁTIMA FERNÁNDEZ "UNHA VIAXE AO MUNDO DOS CONTOS POP UP"

O sábado 27 de marzo ás 18.00h no Salón de Actos de Cultura, celebramos o Día da Narración Oral con este contacontos da man de Fátima Fernández. Non o perdas!. Actividade subvencionada pola Área de Cultura da Deputación Provincial de Lugo

18/Marzo/2021

"O MUNDO DE MARTIÑA" TEATRO BÁTEGA O SÁBADO 27 DE MARZO ÁS 20:00H NO SALÓN DE ACTOS DE CULTURA

Celebramos o Día Mundial do Teatro, o 27 de marzo, coa obra para adultos do grupo Bátega subvencionado pola Área de Cultura da Deputación Provincial dentro do Programa Cultural de Nadal-Narración Oral. Pincha na noticia e mira a sinopse da historia.

17/Marzo/2021

PUBLICADO PROCEDEMENTO PARA PROBAS DE CERTIFICADOS DE LINGUA GALEGA: CELGA 1,2,3 E 4 PARA 2021

No DOG Nº 52 do mércores 17 de marzo sae a resolución para a convocatoria deste ano para os certificados de Lingua Galega, toda a información sobre o procedemento de inscrición, exames, etc que se celebrarán en maio e/ou xuño en Santiago de Compostela. Axuntamos enlace ao documento completo (https://drive.google.com/file/d/12XW_G7FrCE7EIcO73QJkHkQzRFlvJfje/view?usp=sharing) e a páxina web do Portal da Lingua (https://www.lingua.gal/a-secretaria-xeral/convocatorias/_/Probas/convocatoria_0022/probas-celga-1-2-3-4)

16/Marzo/2021

CONTACONTOS CAXOTO. VENRES 19 ÁS 16:30H NO SALÓN DE ACTOS DA CASA DA CULTURA DE ALFOZ

Dirixido a nenas e nenos ata 6 anos e organizado por Educando en Familia en colaboración co Concello de Alfoz. Aforo limitado.

12/Marzo/2021

RECUPERADA A LIÑA TELÉFONICA DO CONCELLO DE ALFOZ, CHÁMANOS AO 982 558 001.

Xa está dispoñible o teléfono da Casa do Concello de Alfoz, 982 558 001. Desculpen as molestias que se puideron orixinar durante estes días, xa se solucionaron os problemas técnicos.

10/Marzo/2021

O CONCELLO DE ALFOZ ESTÁ SEN LIÑA DE TELÉFONO FIXO Á ESPERA DE QUE AMAÑE MOVISTAR A INCIDENCIA DESDE QUE ELES MESMOS NOS INSTALARON A FIBRA O VENRES.

Sentimos as molestias causadas aos veciños e veciñas que cando chaman escoitan unha mensaxe na que di que "Todos os operadores están ocupados" cando o que ocorre é que non temos liña en ningún teléfono fixo do concello. Estamos á espera de que MOVISTAR solucione o problema que eles xeraron cando o pasado venres nos instalaron a fibra, .... Para comunicarse co Concello poden chamar ao teléfono 619913321. Grazas.